“ӨСВӨРИЙН АВРАГЧ-2016” ХОЙД БҮСИЙН АВАРГА ШАЛГАРУУЛАХ ТЭМЦЭЭН БОЛЛОО.
Хэнтий аймгийн Онцгой байдлын газар, ДЗМОУБ-ын “Бор-өндөр-2” ОНХХ-тэй хамтран Хэнтий аймгийн Батширээт, Баян-Овоо, Баян-Адрага, Биндэр сумд болон Хурх тосгоны ЕБС-ын өсвөрийн аврагч клубын хүүхдүүдийн дунд “Өсвөрийн аврагч-2016” хойд бүсийн аварга шалгаруулах тэмцээнийг 2016 оны 05-р сарын 18-нд Хэнтий аймгийн Баян-Адрага суманд зохион явууллаа.
Тэмцээнд нийт 5 багийн 35 тамирчид хурд хүч, авхаалж самбаагаа дайчлан оролцож асуулт хариулт, нэрвэгдэгчийг аврах ажиллагаа, эмнэлгийн анхан шатны тусламж, 1,5 км-ийн гүйлт, дүүжинд суниах, аврах олс уях гэсэн 6 төрлөөр өрсөлдөнөөс тэмцээний нийлбэр дүнгээр Баян-Адрага сумын баг тамирчид 1-р байр, Баян-Овоо сумын баг тамирчид 2-р байр , Батширээт сумын баг тамирчид 3-р байр эзэллээ.
Тэмцээнд оролцогч багуудын ур чадвар жил ирэх тусам нэмэгдэж, багууд бэлтгэлээ сайн хангаж оролцож байгаа талаар тэмцээний ерөнхий шүүгч ОБГ-ын ГХУХ-ын ахлах байцаагч онцгой байдлын ахмад Р.Батсайхан дурдсан юм.