Онцгой байдлын ерөнхий газрын дарга бригадын генерал Т.Бадрал 2015 оны 10 дугаар сарын 14-ний өдөр Говьсүмбэр аймгийн Сүмбэр суман дахь улсын төсвийн хөрөнгө оруулалтаар баригдаж буй Онцгой байдлын газрын 2 дугаар зэрэглэлийн Гал унтраах, аврах 37 дугаар ангийн барилгын ажлын явцтай газар дээр нь танилцлаа.

Мөн Онцгой байдлын газрын бие бүрэлдэхүүнтэй уулзаж, Онцгой байдлын ерөнхий газраас хэрэгжүүлж буй үйл ажиллагаа, бодлого шийдвэрийг танилцуулж, тус газрын техник хэрэгсэлтэй танилцан цаашид хийх ажлын талаар тодорхой үүрэг чиглэл өглөө.